ქიმიური წამლობა აზიური ფაროსანას წინააღმდეგ – რა ხარვეზებზე საუბრობს მოსახლეობა – სეს-ის განმარტება [Video]

0

დასავლეთ საქართველოში აზიური ფაროსანას წინააღმდეგ ქიმიური წამლობა ერთ ტვეზე მეტია მიმდინარეობს. ღონისძიების დაწყების სემდეგ, ადგილობრივი მოსახლეობა ხშირად ამბობდა, რომ მათი წინასწარი ინფორმირება არ ხდებოდა.

გურიაში, სოფელ შემოქმედის ადგილობრივი მოსახლეობა ამბობს, რომ  მავნებლის წინააღმდეგ ტერიტორიების თერმული ნისლით დამუშავებისას მათი წინასწარი გაფრთხილება არ მომხდარა.

სურსათის ეროვნული სააგენტოს გურიის  რეგიონული სამმართველოს ხელმძღვანელის გამარტებით, შეწამვლის პირველი ფაზის დროს მოსახლეობის ინფრომირება რთულად ხდებოდა, თუმცა მეორე ფაზის დაწყებამდე პროცესში ადგილობრივი ხელისუფლების წარმომადგენლების ჩართულობა გაზრდილია.

მისი  თქმით გაფრთხილების შეტყობინება ყველა მუნიციპალიტეტებს წამლობამდე 24 საათით ადრე ეგზავნებათ. სპეციალისტს მიაჩნია, რომ მოსახლეობის ინფორმირებულობაზე სოფლის რწმუნებულების პასუხიმსგებლობაა.

ლანჩხუთის ადმინისტრაციულ ერთეულში მერის წარმომადგენელი განმარტავს, რომ ადგილობრივები წამლობის დაწყებამდე გააფრთხილეს,   ხოლო მეფუტკრეებს სატელეფონო ზარის მეშვეობით მიაწოდეს ინფორმაცია.

მედიაპროდუქტი  მომზადებულია ,,ევროპის რეკონსტრუქციისა და განვითარების ბანკის“  EBRD-ის მხარდაჭერით ,,ერთად ვებრძოლოთ აზიურ ფაროსანას“ პროექტის ფარგლებში, რომელსაც ,,ჟურნალისტიკის რესურსცენტრი“ –  JRC პარტნიორ მედიასაშუალებებთან ერთად ახორციელებს. ის შესაძლოა არ წარმოადგენდეს EBRD-ის შეხედულებას.

სინქრონები:

  • ცისანა ანდღულაძე – სოფლეს შემოქმედის მკვიდრი;
  • ნინო შეწირული – სურსათის ეროვნული სააგენტოს გურიის  რეგიონული სამმართველოს ხელმძღვანელი;
  • ლაშა დუდუჩავა – ლანჩხუთის ადმინისტრაციულ ერთეულში მერის წარმომადგენელი.

 

Comments are closed.