როგორ დავიცვათ თხილის კულტურა აზიური ფაროსანასგან – სეს-ის რეკომენდაციები [Video]

0

თხილის კულტურის შენარჩუნებისთვის აუცილებელია კომბინირებული წამლობა – როგორც აზიური ფაროსანას წინააღმდეგ, ასევე მცენარის სოკოვანი დაავადებებისგან დასაცავად. ამის შეახებ სეს-ის მცენარეთა დაცვის დეპარტამენტის უფროსმა აბაშაში, ერთ-ერთი ფერმერის პლანტაციაში სტუმრობისას განაცხადა. ნიკა მესხის თქმით, შესაბამისი შეწამვლითი ღონისძიებებით, შესაძლებელია ,მოსავლის რაოდენობისა და ხარისხის შენარჩუნება.

თავის მხრივ, ფერმერებმაც აღნიშნეს, რომ სოფელში უწყების რეკომენდაციებს იცავენ და წამლობაც უკვე მეოთხედ განახორციელეს.

აღსანიშნავია, რომ სეს-ის ინფორმაციით, დღეის მდგომარეობით,   აჭარის ავტონომიური რესპუბლიკის, სამეგრელოს, გურიისა და იმერეთის რეგიონებში თერმული ნისლის ტექნოლოგიით დამუშავებულია 155   ათასამდე ჰექტარი სახელმწიფო საკუთრებაში არსებული და სოფლის ტერიტორიები, ხოლო ცივი შესხურებით – 4 000-მდე ჰექტარი. აზიური ფაროსანას სასოფლო-სამეურნეო კულტურებზე გავრცელების თავიდან აცილების მიზნით, ტყის პერიმეტრზე, ბუფერულ ზონებში, დაცული ტერიტორიების მიმდებარედ, დამონტაჟებულია 50  ათასამდე „მოიზიდე და გაანადგურე“ სადგური. სულ ღონისძიებები ჩატარდა 22 მუნიციპალიტეტის 382 სოფელში.

მედიაპროდუქტი  მომზადებულია “ევროპის რეკონსტრუქციისა და განვითარების ბანკის”  EBRD-ის მხარდაჭერით “ერთად ვებრძოლოთ აზიურ ფაროსანას” პროექტის ფარგლებში, რომელსაც “ჟურნალისტიკის რესურსცენტრი” –  JRC პარტნიორ მედიასაშუალებებთან ერთად ახორციელებს. ის შესაძლოა არ წარმოადგენდეს EBRD-ის შეხედულებას.

სინქრონები:

  • ნიკა მესხი – სურსათის ეროვნული სააგენტოს მცენარეთა დაცვის დეპარტამენტის უფროსი;
  • ამელი გოგიშვილი – ფერმერი.

Comments are closed.