ახალი პროგრამა გამყოფი ხაზების გასწვრივ სავაჭრო ურთიერთობების წახალისებისათვის

2019 წლის პირველი იანვრიდან ახალი საგრანტო პროგრამა „აწარმოე უკეთესი მომავლისთვის“ ამუშავდება, რომელსაც ეკონომიკისა და მდგრადი განვითარების სამინისტროს სააგენტო „აწარმოე საქართველოში“ განახორციელებს.

შერიგებისა და სამოქალაქო თანასწორობის საკითხებში სახელმწიფო მინისტრის ქეთევან ციხელაშვილის განმარტებით, ინიციატივა ხელს შეუწყობს სავაჭრო ურთიერთობების იმგვარად წახალისებას, რომ შესაძლებელი გახდეს გამყოფი ხაზების გასწვრივ ეკონომიკური ურთიერთობების გაფართოება, ხოლო  საქართველოს ოკუპირებულ რეგიონებში – აფხაზეთის ავტონომიურ რესპუბლიკასა და ცხინვალის რეგიონში  მცხოვრებ მოსახლეობას  ეკონომიკური სარგებლის მიღების ახალ გზებს შესთავაზებს.

საპილოტე პროექტისთვის ნახევარი მილიონი ლარი არის გამოყოფილი. მეწარმეები 7 ათასიდან 35 ათას ლარამდე დაფინანსდებიან.

სინქრონები:

  • ქეთევან ციხელაშვილი –  საქართველოს სახელმწიფო მინისტრი შერიგებისა და სამოქალაქო თანასწორობის საკითხებში;
  • მიხეილ ხიდურელი – სააგენტოს – “აწარმოე საქართველოში” ხელმძღვანელი.
Share on facebook
Share on twitter
Share on linkedin
Share on whatsapp